ویب ڈیسک:ایس آئی ایف سی کی معاونت سے ملکی آئی ٹی برآمدات تاریخ کی بلند ترین سطح پر پہنچ گئیں ہیں۔
مارچ میں ملکی آئی ٹی برآمدات 342 ملین ڈالر کی ریکارڈ سطح پر پہنچ گئیں،سپیشل انویسٹی گیشن فیسلٹی کونسل کی کاوشوں کے نتیجے میں آئی ٹی شعبے کی برآمدات میں مسلسل 18ویں ماہ اضافہ ریکارڈ کیا گیا۔
مالی سال 2025 کے ابتدائی 9 ماہ میں آئی ٹی برآمدات 2.8 ارب ڈالر ریکارڈ  ہوئی ہیں جبکہ پاکستانی آئی ٹی کمپنیوں کی عالمی سطح پر موجودگی میں اضافہ ہوا ہے،’’اُڑان پاکستان‘‘ حکمت عملی کے تحت آئی ٹی برآمدات کا ہدف10ارب ڈالر مقرر ہے۔
خیال رہے کہ 3ماہ قبل پاکستان کی آئی ٹی برآمدات30فیصد اضافے کے ساتھ ایک ارب 86 کروڑ ڈالر کی سطح پر پہنچ گئی تھی اور وزیر مملکت برائے انفارمیشن ٹیکنالوجی شزا فاطمہ خواجہ کا کہنا تھاکہ مستقبل میں آئی ٹی برآمدات مزید بڑھنے کی بھی توقع ہے۔